Элсэн цанын тухай түүний тоног төхөөрөмж. Элсний тухай. Элсэн цанын аяллыг Монголд явуулах нөөц боломж, аяллын маршрут. 34x

Удиртгал
Аялал жуулчлал нь улс түмний хооронд харилцан ойлголцох, танин мэдэх, нийгэм эдийн засаг, шинжлэх ухааны хамтийн ажиллагааг өргөжүүлэхийн төдийгүй тухайн улс орны нийгэм, эдийн засагт нь шууд нөлөөлөх чухал хэрэгсэл болдог билээ. Сүүлийн жилүүдэд Монгол улсын эдийн засагт аялал жуулчлалын салбарын гүйцэтгэх үүрэг нэн хүчтэй хөгжиж, манай орны байгалын арвин их өв болох зэрлэг байгаль, хээр тал, үзэсгэлэнт сүрлэг уулс, цэнгэг устай нуур, дэлхийд ховор үлэг гүрвэлийн олдворт газар, ан амьтан, ургамалын аймаг, байгалийн гайхамшигт тогтоцууд, том элсэн манханууд нь гадаадын жуулчдын сонирхолыг байнга татаж байдаг билээ. Одоо Монголд ирж буй жуулчдын тоог ихээхэн нэмэгдүүлснээр аялал жуулчлал нь эдийн засгийн тэргүүлэх салбарын нэг нэг чухал хэсэг болно. Гэвч энэ нь бодит байдал дээр жуулчдын тоо маш бага хэмжээнд байна. Иимд аялал жуулчлалын цар хүрээг тэлж орлогыг нэмэгдүүлэхийн тулд Монгол орны бүс нутгуудад аялал жуулчлалыг жигдхэн хөгжүүлэх, тухайн нутгийн нөөцийг зөв тодорхойлон тохирох аяллын төрлүүдийг бий болгох зайлшгүй шаардлагатай байна. Мөн хүмүүсийн ажлын цаг богиносож амралтын цаг нэмэгдсэн, орлогын түвшин дээшилсэн, боловсрол өндөр болсонтой холбоотойгоор аялал жуулчлалд оролцох сонирхол нь нэмэгдэхийн зэрэгцээ улам бүр дагнасан буюу тусгай сонирхлын зах зээлүүдийг бий болгож байна. Үүний үр нөлөөгөөр тухайн улс орны болон тухайн аялал зохион байгуулагч Typ operatopуудын бүтээгдэхүүн улам бүр төрөлжин үйлчилгээний цоо шинэ төрлүүдыг эрэлхийлэх болсон.
Хүмүүс хотжилтын дарамтнаас холдон эрүүл мэнддээ ихээхэн анхаарал тавих болсонтой холбоотой ба нөгөө талаас улс орнууд аяллын төрлүүдийг аялал жуулчлалын үйлдвэрлэлийн бүтээгдэхүүн болгон хөгжүүлж, зарим нэг аяллын тоног хэрэгслийг боловсронгуй бөгөөд энгийн хэрэглэгчид ашиглахад илүү хялбар дөхөм болгож түүгээрээ амралт чөлөөт цагийн үйлчилгээний өргөн сонголтыг санал болгох болсонтой холбоотой. Өөрөөр хэлбэл аяллын төрлүүдийг жуулчдыг татах өвөрмөц бүтээгдэхүүн, маркетингийн арга хэрэгсэл болгон ашиглаж байна гэсэн үг юм. Энэ нь аялал жуулчлалын үйл ажиллагааг нэмэгдүүлэхийн хамт аялал жуулчлалын хөгжлийг ч мөн шинэ шатанд гаргаж байна.