Орон нутгийн хэмжээнд нийт хог хаягдлын 100% ямар ч боловсруулалтгүйгээр хаяж, хогний үлэмж хэсгийг эзэлдэг цаас, хуванцар материал, даавууны хаягдал зэрэг зүйлсийг шатаадаг нь орон нутгийн байгаль орчин агаарыг бохирдуулах нэг эх үүсвэр болж байна. Орон нутгийн хэмжээнд цаашилбал Аймгийн хэмжээнд хог хаягдлыг ангилах, дахин боловсруулах, булж дарах талаар зарим нэг ажлууд хийгдэж байгаа ч энэ нь тодорхой үр дүнд хүрэхгүй байна. Хог ухаж амьдарч байгаа иргэд олшрох хандлагатай байгаа нь нөөц бололцоог ашиглах талаасаа сайн зүйл боловч эрүүл ахуйн талаасаа туйлын ноцтой асуудал болж байна. Иймд хог хаягдлыг ангилж төрөлжүүлэн дахин боловсруулах технологийг нэвтрүүлэх зайлшгүй шаардлагатай байна. Хог хаягдлын бүтцийн ангилалтыг судалгаанаас үзэхэд даавуу 0.2% төмөр 0.23% чулуу 1.61% арьс шир 0.66% бусад 97,3%-ийг тус тус эзэлж байна. Эндээс үзэхэд хог хаягдлын 97,3%-ийг дахин ашиглах боломжтой байна.